Usap Tayo!

Aljur Abrenica kinompronta ng aktor na si Jeric Raval ukol sa panliligaw nito sa kanyang anak na si Aj

Nagsalita na ang batikang aktor tungkol sa isyu ng anak at ni Aljur

Bilang isang ama, hindi mawawala ang pagiging strikto, lalo na kung ang anak ay babae. At paniguradong ganito nga si Jeric sa kanyang labing walong anak.

 

Kamakailan nga ay kinumpirma na ni AJ na nililigawan na siya ni Aljur.

 

 

Negatibo ang reaksyon ng mga netizens sa kanilang pagkakaunawaan dahil kakahiwalay lang ni Aljur sa asawang si Kylie Padilla.

 
 
Samantala, sa ulat ng PEP.ph, nagbahagi si Jeric Raval ng kanyang saloobin ukol dito. Ayon pa sa ulat ay tila nag-aalinlangan ang nararamdaman ni Jeric tungkol sa relasyon ng anak kay Aljur.
 
 
 

May tatlong bagay umanong tinanong ang dating action star sa panliligaw ni Aljur sa kanyang anak.

 
 
 
Una umano silang nagkita sa PDEA office nang ihatid ng aktor si AJ doon. Unang tanong ay kung nanliligaw ba siya kay AJ. At yes po ang sagot ni Aljur.
 
 
 
 
Pangalawa ay kung hiwalay na ba siya at ang huli ay kung Ano kaya ang sasabihin ko sa biyenan mo [Robin Padilla] kung aksidenteng magkita kami?’
 
 
 
Ipinaliwanag ni Jeric kung bakit niya tinanong si Aljur ng mga bagay na iyon.
 
 
 
Saad niya, “Kaya ko tinanong ‘yon dahil, unang-una, alam ko na anak ni Robin ang asawa niya.
 
 
 

“Pangalawa, magkaibigan kami ni Robin, kaya hindi mo maiaalis sa akin na medyo mahiya sa sitwasyon dahil ayokong isipin ng mga tao o ninuman na ang dahilan ng pagkakahiwalay nila o third party, e, ang anak ko.

“Sabi ko pa sa kanya, ‘I have nothing against you, kaya lang kaibigan ko ang biyenan mo. Kung in good faith naman ang panliligaw mo sa anak ko, well, then kailangan nasa ayos ang lahat.’

“Gaya nga ng nasabi ko, hindi magiging masaya ang isang relasyon kung may natatapakan.”


Comments